मङ्लबार, चैत्र १५, २०७८
राजा महेन्द्रलाई गाली गरेकोमा पछुतो मान्दै जनगायक रामेश भन्छन् – राजा महेन्द्र ठुला देशभक्त रहेछन्

राजा महेन्द्रलाई गाली गरेकोमा पछुतो मान्दै जनगायक रामेश भन्छन् – राजा महेन्द्र ठुला देशभक्त रहेछन्

कम्युनिष्ट हौं भनेर नेपालीलाई घात गरे, भोकोले बढी चुस्ने रहेछ, अब जनताले यिनलाई लखेट्ने छन् |


  • स्वदेश नेपाल
  • मङ्लबार, चैत्र १५, २०७८

झन्डै ६० बर्षदेखि जनताको गीतहरुलाई क्रान्तिको ज्वारभाट बनाउदै आएका जनगायक रामेशले बिगतमा राजा महेन्द्रलाई गालीगलौज गरेकोमा पछुतो मान्दै राजा महेन्द्र नै यो देशको सच्चा देशभक्त भएको बताएका छन् ।

योहो टिभीको लागि पत्रकार जिबराम भण्डारीसंग कुरा गर्दै गायक रामेशले उक्त टिप्पणी गर्दै राजा महेन्द्रको शासनकालमा जति बिकाशहरु भयो त्यति बिकाश अहिले सम्म नभएको दाबि गरेका छन ।

धेरैले टेलिभिजनमा नदेखेका, रेडियोबाट कम सुनेका तर नेपालका गाउँ बस्तीका जनता बीच अत्यन्तै लोकप्रिय कलाकार हुन् रामेश ।

लोकतन्त्रका लागि ५०/६० बर्ष देखि निरन्तर जेल नेल कस्टडी, प्रहरीका यातना खेप्दै, सरकारी दमन चिर्दै , शोषण उत्पीडन र गरिबी हटाउने उद्घोष सहित जनताका गीत गाउँदै हिंडेका यिनी देशमा लोकतन्त्र आएपनि लोकतान्त्रिक गाडीको पछिल्लो सिटमै देखिन्छन ।

२०३१ सालमा युगकबि सिद्धिचरण श्रेष्ठ द्वारा रचित मेरो प्यारो ओखलढुंगा गाए पछि त झन् यिनको गायन यात्राले नयाँ मोड लियो । उनी कहिलै अन्याय अत्याचार सहँदैनन, कसैका अघि झुकेर केहि माग्दैनन, भनसुन गर्दै गर्दैनन ।

उनले हाल सम्म ३२५ भन्दा बढी आफ्नै संगीतका देशभक्तिपूर्ण गीतहरु गाएका छन्, १५० गीतहरुमा संगीत मात्र भरेका छन् र ३० वटा गीत लेखेका पनि छन् । उनी लामो समय सम्म बाल मन्दिरमा समेत संगीत प्रशिक्षक भएर कार्य गरे । शायद यसैले हुन सक्छ उनका दुई दर्जन जति बालगीतका एल्बमहरु छन् बजारमा । उनका लोकप्रिय गीतहरुमा आउ मिलाउँ हाम्रा हातहरु, गरिबको चमेली, मुट्ठी उचाली, गोठाला दाइले, कोइत भने जहाजमा हरर, हाम्रो अदम्य क्रान्ति, आउ हामीसंगै बसौं आदि छन् ।

समाज परिवर्तन र रुपान्तरणमा चेतनामुलक देशभक्तिपूर्ण गीतहरुको भूमिका कति भन्ने बिषयमा रामेश द्वारा गाइएका र संगीतबद्ध गीतहरुको अध्ययन आजका पुस्ताका अध्येताहरुका लागी निकै महत्वपुर्ण छन् ।

प्रतिक्रिया
सम्बन्धित समाचार
ताजा अपडेट