शनिबार, भदौ १२, २०७८
पृथ्वीनारायण शाहको शालिक भत्काएर अनि माओको घाँटीमा माला लगाइदिएर देश बनाउने ? मिश्रको कटाक्ष

पृथ्वीनारायण शाहको शालिक भत्काएर अनि माओको घाँटीमा माला लगाइदिएर देश बनाउने ? मिश्रको कटाक्ष

देशलाई अफगानस्तान बन्नबाट बचाउन संघीयता खारेज गर्दै धर्म निरपेक्षताबारे जनमत संग्रह आवश्यक छ


  • स्वदेश नेपाल
  • शनिबार, भदौ १२, २०७८

आगामी २५–३० वर्षपछि नेपालको अवस्था पनि अफगानस्ताको जस्तै नहोस् भन्नका लागि पनि धर्म निरपेक्षताको सवालमा जनमत संग्रह गर्न आवश्यक रहेको विवेकशील साझा पार्टीका अध्यक्ष रवीन्द्र मिश्रले बताएका छन ।

मिश्रले आफूले ल्याएको अवधारणमा धर्मनिरपेक्षता बारे उठान गर्नुको मुख्य कारण नै यही भएको दाबि गरेका छन ।

मिश्रले योहो टेलिजिभनको बुधबार राति प्रशारण भएको विषेश कार्यक्रम सत्य संवाद कार्यक्रममा कुरा गर्दै संघीयता खारेजी गर्नु पर्ने तर्क पनि अघि सारेका छन ।

संघीयताले नेपालमा झन् आर्थिक संकट निम्याउन सक्ने भन्दै यो नेपाली माटो सुहाउँदो नभएको उनको प्रतिक्रिया थियो ।

आफ्नो अवधारणा सार्वजनिक गर्ने क्रममा धर्मनिरपेक्षता र संघीयता खारेजी बारे जनमत संग्रह गर्नु पर्ने विषय उठान गरेपछि  मिश्रको चौतर्फी आलोचना भएको थियो ।

पृथ्वी नारायण शाहले बल र हिंसा प्रयोग गरेका थिए भनेर उनले निर्माण गरिदिएको नेपालमा बसेर के म नेपाली भनेर गर्व नगरौँ ? आजभन्दा २५० वर्ष अघि राष्ट्रहरू निर्माण हुँदा सन्सारमा कहाँ चाहिँ बल/हिंसा प्रयोग भएन? अध्यक्ष रवीन्द्र मिश्रले प्रतिप्रश्न उठाएका छन ।

मिश्र थप छन – फर्केर हेर्दा, कुनै पनि पार्टी र शिर्ष नेताका लागि ‘राष्ट्रियहित (national interest)’ प्रधान प्राथमिकता नै बनेको रहेनछ। सबैका लागि व्यक्तिगत र पार्टीगत स्वार्थ सदा प्रधान बनेछ। देशलाई शीरमा नराखी देश कसरी बनाउने?

राष्ट्रियहितलाई एक नम्बरको प्राथमिकता नबनाएसम्म भ्रष्टाचार, कुशासन, वैदेशिक हष्तक्षेप, स्वार्थपुर्तिका लागि जातीय/क्षेत्रीय भावनालाई उद्वेलित बनाउने दुर्नियत, धर्म/संस्कृति/स्वाधिनता/स्वाभिमानमाथिको आघात, कुनै पनि कुरामा कमी आउँदैन।

हेर्नुहोस ”देश “राजनीतिक मार्ग परिवर्तन“ को एजेन्डामा उन्मुख भईसक्यो”

प्रतिक्रिया
सम्बन्धित समाचार
ताजा अपडेट