मङ्लबार, चैत्र २९, २०७८
एक महिनाको लागि भायानेटका ग्राहकले मिदास ई-क्लास निःशुल्क चलाउन पाउने

एक महिनाको लागि भायानेटका ग्राहकले मिदास ई-क्लास निःशुल्क चलाउन पाउने


  • स्वदेश नेपाल
  • मङ्लबार, चैत्र २९, २०७८

नेपालको अग्रणी इन्टरनेट सेवा प्रदायक भायानेटले विद्यालयका विद्यार्थीहरूको डिजिटल सिकाइ अनुभवलाई गति दिने आशाका साथ नेपालमा ई–लर्निङको सुरुवातकर्ता मिदास एडुकेसनसँग साझेदारी गरेको छ ।

यो सहकार्यसँगै भायानेटका सबै ग्राहकहरूले मिदास इ–क्लास १ महिना निःशुल्क चलाउन पाउने कम्पनीले जनाएको छ । नर्सरी देखि कक्षा १० सम्मका लागि सरकारद्वारा प्रमाणित पाठ्यक्रम रहेको मिदास इ–क्लास एन्ड्रोइड मोबाइल र ल्यापटपमा वेबसाइट मार्फत प्रयोग गर्न सकिन्छ ।

विभिन्न ट्युटोरियल भिडियोहरू, क्विजहरू, र विभिन्न अन्तर–क्रियात्मक कार्यक्रमहरु रहेको यो सेवाले अनलाइन सिकाई लाइ अझ सहज र रमाइलो बनाउने कम्पनीको भनाइ छ । मिदास इ–क्लासमा लाइभ ट्युटोरिङको विशेष सुविधा पनि रहेकाले शिक्षकहरूले आफ्ना विद्यार्थीहरूलाई लाइभ सिकाउन र विद्यार्थीहरूसँग अन्तरक्रिया गर्न सक्नेछन् ।

भायनेटले वैशाखसम्म आफ्नो ग्राहकलाई मिदास इ–क्लास एक महिना निशुल्क चलाउन दिने भएको छ । भायनेटका ग्राहकहरूले आफ्नो भायानेट कस्टमर पोर्टल वा भायानेट मोबाइल एप मार्फत लगइन गरी मिदास इ–क्लासमा सहभागिता जनाउन सक्नेछन् ।

उच्च गतिको इन्टरनेट र आईपीटीभी सेवाका लागि परिचित भायनेटले आफ्ना ग्राहकहरूलाई उत्कृष्ट डिजिटल अनुभव प्रदान गर्न नेपाल र बाहिरका प्रख्यात संस्थाहरूसँग साझेदारी गर्दै आएको छ ।

प्रतिक्रिया
सम्बन्धित समाचार
ताजा अपडेट