बिहिबार, भदौ २, २०७९
बैंक अफ काठमान्डूले आजबाट बिक्रीमा ल्यायो एक अर्ब १० करोडको ऋणपत्र

बैंक अफ काठमान्डूले आजबाट बिक्रीमा ल्यायो एक अर्ब १० करोडको ऋणपत्र


  • स्वदेश नेपाल
  • बिहिबार, भदौ २, २०७९

काठमाडौं, २ भदौ-बैंक अफ काठमान्डूले वार्षिक १०.५० प्रतिशत ब्याजदरमा आजदेखि ऋणपत्र निष्कासन गरेको छ । बैंकले ‘बिओके डिबेन्चर, २०८६ (क)’ निष्कासन तथा बिक्री खुला गरेको हो ।ऋणपत्रको अवधि सात वर्ष रहनेछ । बैंकले प्रतिकित्ता एक हजार रुपैयाँ अंकित मूल्यका एक अर्ब १० करोड रुपैयाँ बराबरको ११ लाख कित्ता ऋणपत्र निष्कासन गरेको हो ।

सोमध्ये ४० प्रतिशत अर्थात् ४४ करोड रुपैयाँ बराबरको चार लाख ४० हजार कित्ता सर्वसाधारणलाई बिक्री गरिनेछ भने बाँकी ६० प्रतिशत अर्थात् ६६ करोड रुपैयाँ बराबरको ६ लाख ६० हजार कित्ता व्यक्तिगत तवरबाट बिक्री गरिने बैंकले जनाएको छ ।

सर्वसाधारणलाई निष्कासन गरिने ऋणपत्रमध्ये ५ प्रतिशत अर्थात् २२ हजार कित्ता ऋणपत्र सामूहिक लगानी कोषहरूका लागि छुट्याइएको छ ।ऋणपत्र खरिदका लागि छिटोमा ७ भदौसम्म आवेदन दिनुपर्नेछ । सो अवधिसम्ममा पूर्ण आवेदन नपरेमा निष्कासन अवधि १६ भदौसम्म लम्बिनेछ । लगानीकर्ताले न्यूनतम २५ कित्तादेखि अधितम एक लाख कित्ताका लागि आवेदन दिन सक्नेछन् । लगानीकर्ताले सी आस्बा सदस्य बैंक तथा वित्तीय संस्था र तिनका शाखा कार्यालयहरूबाट सो ऋणपत्र खरिदका लागि आवेदन दिन सक्नेछन् ।

प्रतिक्रिया
सम्बन्धित समाचार
ताजा अपडेट