बिहिबार, चैत्र १७, २०७८
पैसा चोरेको आरोपमा हजुरबाले दिए नातीलाई चरम यातना, हृदयविराक घटनाको यस्तो छ नालिबेली !

पैसा चोरेको आरोपमा हजुरबाले दिए नातीलाई चरम यातना, हृदयविराक घटनाको यस्तो छ नालिबेली !


  • स्वदेश नेपाल
  • बिहिबार, चैत्र १७, २०७८

धनकुटा । पैसा चोरेको आरोपमा आफ्नै हजुरबाले नातीलाई चरम यातना दिएका छन्। धनकुटा नगरपालिका १ सिञ्जाली टोलका १५ वर्षीय बालकमाथि हजुरबाले यस्तो अत्याचार गरेका हुन्।

हजुरबुबाको कोटमा रहेको पैसा चोरी गरेको आरोपमा बालक संजिव थापा (नाम थर परिवर्तन) लाई यसरी यातना दिइएको हो । बिहीबार बिहानदेखि साँझसम्म उनलाई यातना दिइएको थियो । उनको उद्धार गर्नेभन्दा कुटपिट र यातना दिने हजुरबुबामात्र होइन छिमेकीले समेत साथ दिएका थिए।

उनलाई यति यातना दिइएको छ कि उनका हजुरबुबाले बाँधेर पटक–पटक सिस्नुपानी र दाउराले कुटपिट गर्दा मुखबाट समेत रगत निस्केको थियो ।

रक्सीले मातेका हजुरबुबाले रातभरि उसैगरी आँगनमा नै राख्ने बताए । कोही आए पनि नछाड्ने अडान राख्दै उनले बालकको गर्धनमा पटक–पटक नांगो खुकुरीसमेत तेर्स्याए । त्यतिबेला बालक डरले कापिरहेका देखिन्थे ।

त्यहाँ पुगेका सञ्चारकर्मीलाई समेत उनले बालकलाई मुक्त गर्न अनुरोध गर्दा खुकुरी देखाएर तर्साए । बालकले बचाउको याचना गरिरहेका थिए । लेकाली भेगमा दिनभर चिसो भुइँमा बाँधिएका उनलाई भोकै राखिएको थियो । उनले सोही स्थानमै लुगामै शौच गर्नुपरेको बताए । स्थानीय हिले माविमा अध्ययनरत बालक पछिल्लो समय फरक स्वभावको बन्दै गएको छिमेकीले बताए ।

बालकका बाबुआमा पबी धनकुटा–२ भीरगाउँमा खेती किसान गर्छन् । बालकको रेखदेख र विद्यालय जान सहज हुने भन्दै बाबुआमाले हजुरबुबाको साथमा राख्दै आएका थिए ।

प्रतिक्रिया
सम्बन्धित समाचार