बिहिबार, फाल्गुन २६, २०७८
संखुवासभा दुर्घटना अपडेट : मृत्यु भएका १४ मध्ये १२ जनाको पहिचान खुल्यो

संखुवासभा दुर्घटना अपडेट : मृत्यु भएका १४ मध्ये १२ जनाको पहिचान खुल्यो


  • स्वदेश नेपाल
  • बिहिबार, फाल्गुन २६, २०७८

संखुवासभाको मादी नगरपालिका–६ स्थित थुलुङमा बस दुर्घटना हुँदा १४ जनाको मृत्यु भएको छ । ना ४ ख ७३५ नम्बरको ‘रेशम फिलिलि’ बसमा सवार १४ जना मृतकमध्ये समाचार तयार गर्दासम्म १२ जनाको पहिचान खुलेको छ ।

रामबेनी बजारबाट झापाका दमक जाँदै गरेको बस बिहीबार विहान सडकबाट करिब ३ सय मिटर तल खसेको थियो । दुर्घटनामा परेर मृत्यु हुनेहरुमा संखुवासभाको मादी नगरपालिका–६ घर भएकी ३० वर्षीया सीता बिक, ३२ वर्षीया अन्जना कटुवाल, मादी–५ घर भएका ४९ वर्षीय भवानीप्रसाद दाहाल, वर्ष ५६ का श्याम शेर्पा, र वडा नम्बर–२ बस्ने ४२ वर्षीय इन्द्र अधिकारी छन् ।

ताप्लेजुङ घर भएकी बर्ष ३१ की समीक्षा योञ्जन र उनको छोरा ८ वर्षीय सुदिप घिसिङको मृत्यु भएको छ । बसका चालक तेह्रथुम घर भएका ३१ वर्षीय विपिन निरौलाको पनि मृत्यु भएको ईलाका प्रहरी कार्यालय संखुवासभाले जनाएको छ ।

मृत्यु हुनेहरुमा मादी नगरपलिका–६ बस्ने वर्ष ५ की दीक्षा कटुवाल, वडा नम्बर–४ बस्ने ६० वर्षीय बलबहादुर कार्की, वर्ष २८ की सविता कार्की र मादी–५ बस्ने ४८ वर्षीय दीपककुमार दाहाल छन् ।

यस्तै घाइते हुनेमा मादी ५ का ३० वर्षिय सुबास गोले र ३० वर्षिय युका पोखरेल, मादी ६ की २२ वर्षिय तुलसा कट्वाल, अम्बिका बिक र डम्बरबहादुर कार्की छन्। बिहीबार बिहान साढे ७ बजे मादीको ओखरबोटे बजारबाट झापाको दमकतर्फ जाँदै गरेको बस दुर्घटनामा परेको थियो।

बस मादी-६ को सातघुम्तीनजिकै दुर्घटनामा परेको हो। बस सडकबाट करिब ३०० मिटर तल खसेको प्रहरीले जनाएको छ। बस दुर्घटनामा परेर घाइते भएका पाँचै जनाको नेपाली सेनाको हेलिकप्टरमार्फत उद्धार गरेर अस्पताल लगिएको छ।

प्रतिक्रिया
सम्बन्धित समाचार
ताजा अपडेट