एक बर्ष अगाडी जनतालाई दिएको बचन बिर्सनु भयो ? ईटहरी कि धुलोहरी मेयर साव !

प्रकाशित मिति : २२ कार्तिक २०७६, शुक्रबार

इटहरी । सुनसरीको ईटहरीका मेयर द्धारिकलाल चौधरीले एक सार्बजनिक कार्यक्रममा एक बर्षअघि ईटहरीलाई धुलो र हिलोमुत्त ईटहरी बनाउँछु भनेर भाषण गर्दा नगरबासीहरुले ताली बर्साएका थिए । भाषण गरेको एक बर्ष बित्दा ईटहरीको हरिबिजोग अबस्था देख्दा तिनै नगरबासीहरु यतिबेला धारेहात लगाईरहेका छन ।

एक बर्ष अघिको तुलनामा ईटहरीमा १० गुणाबढी धुलो र हिलो छ,त्यत्तिकै खाल्डाखुलडी छ,तर आश्वासन बाँडने मेयर भने चुपचाप छन । इटहरी उपमहानगरपालिका क्षेत्रभित्र बिकास निर्माणका कामहरू ठप्प हुँदा धुलो र खाल्डाका कारण ईटहरी क्षेत्र अस्तब्यस्त रहेको छ । बिराटनगरको रानी देखि धरान सम्मको मुख्य सडकलाई ६ लेनको बनाउन थालिएपछि ईटहरीको अबस्था झन नाजुक बनेको हो । ६ लेन सडक ईटहरी उपमहानगर क्षेत्रमा निर्माण हुन सकेको छैन ।

बर्खामा पानीले हिलाम्मे र डुबानको समस्या भोग्दै आएका इटहरीवासी हिउँद लागेपछि धुलो र खाल्डाखुल्डीका कारण थप समस्या झेल्दै आएका छन । मुख्य सडकमा दैनिक हजारौँ यात्रुहरु धुलाम्मे भएर यात्रा गरिरहेका छन भने सडक आसपासमा रहेका नगरबासी र ब्यबसायीहरु भने मर्कामा छन । यस बिषयमा सम्बन्धित पक्षले ध्यान नदिएको र नगर समेत गैरजिम्मेवार बनेको स्थानीयको गुनासो रहेको छ ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu