सबैले हेर्नै पर्ने भिडियोः हरेक दिन टोलभरीका कुकुरलाई मासुभात खुवाउने आमा, कुकुरसँग यति धेरै प्रेम हेर्नुहोस्

प्रकाशित मिति : २४ श्रावण २०७६, शुक्रबार

काठमाडौं सोह्रखुट्टेकी पार्वती गुरुङ बिहान ४ बजे नै उठेर मासु भात पकाउँछन् । तर, त्यो आफ्ना लागि होइन । हरेक दिन पार्वतीले मासु भात पकाएर सडकका कुकुरलाई खुवाउँछिन् । यो क्रम वर्षौंदेखि चल्दै आएको छ । कुकुरप्रति पार्वती र उनका श्रीमान रामको अत्यधिक लगाव छ । उनीहरुलाई कुकुर भोकाउँदा पिरोलिन्छन् । हेर्नुहोस् भिडियोः

तिहारका बेला पूजा गरेर कुकुरलाई एकदिन मीठो मसिनो खुवाउनेहरु ढोंगी भएको पार्वतीको तर्क छ । प्रेम गर्न जाने कुकुर जति बफादार अरु कोही नहुने उनको बुझाई छ । कतिपयले पालेको कुकुर बुढो भएपछि सडकमा ल्याएर छोड्ने गरेको पाइन्छ । जुन पार्वतीलाई पटक्कै मन पर्दैन । सडकका कुकुरलाई खाना मात्रै होइन उनले उपचार पनि गर्ने गरेकी छन् । कुकुरको बन्ध्याकरणदेखि रेबिज भ्याक्सिन पनि दिँदै आएकी छन् उनले ।

सडकका झण्डै दुई सय कुकुरबाहेक उनको आफ्नै घरमा समेत तीन वटा कुकुर छन् । ती तीनैमा पनि यो दम्पत्तिको उत्तिकै स्नेह र लगाव छ । वरीपरीका कुकुरलाई खाना खुवाउँदा मासिक ५० हजार रुपैयाँ भन्दा बढी खर्च हुने गरेको पार्वती बताउँछिन् । जुन उनले युरोपमा रहेका आफ्ना आफन्तहरुसँगबाट जोहो गर्दै आएकी छन् । त्यसमा केही उनको आफ्नै योगदान पनि रहन्छ । हामी पार्वतीसँगै सोह्रखुट्टे र सामाखुशीका गल्ली डुल्यौं । र सँगै उनको घर फर्किएर यो कथालाई अझ खोतल्ने प्रयास गरेका छौं ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu