बुधबार, माघ ११, २०७९
आचार्यलाई श्रदाञ्जली दिदैँ सिके राउतको प्रश्न, ‘सोझासाझाहरूका लागि यो देश बाँच्नै नसक्ने सीमासम्म पुगेकै हो ?’

आचार्यलाई श्रदाञ्जली दिदैँ सिके राउतको प्रश्न, ‘सोझासाझाहरूका लागि यो देश बाँच्नै नसक्ने सीमासम्म पुगेकै हो ?’


  • स्वदेश नेपाल
  • बुधबार, माघ ११, २०७९

काठमाडौं । जनमत पार्टीका अध्यक्ष तथा सांसद डा. सिके राउतले प्रेमप्रसाद आचार्यको आत्मदाह अरब क्रान्ति जस्तै भ्रष्टाचार, नेतातन्त्र र कर्मचारीतन्त्रविरुद्धमा नेपालमा ल्याउने क्रान्ति रहेको बताएका छन् ।

‘कर्मचारीतन्त्रको विरुद्धमा नेपालमा क्रान्ति ल्याउने हो कि, भन्न सकिन्न तर गरेर खान चाहने सोझासाझाहरूका लागि यो देश बाँच्नै नसक्ने सीमासम्म पुगेकै हो,’ राउतले भनेका छन्,’अझ हामी नयाँ पार्टी र पात्रहरूले समेत केही आश जगाउन नसक्नु दुस्खद छ। हार्दिक श्रद्धाञ्जली’

प्रेमप्रसादको आत्मदाहको कारण राज्य : मेयर बालेन

काठमाडौं। काठमाडौं महानगरपालिकाका मेयर बालेन्द्र शाह (बालेन) ले प्रेमप्रसाद आचार्यको मृत्युको प्रमुख कारण राज्य भएको आरोप लगाएका छन्। इलामका प्रेमप्रसादको आत्मदाहबाट बुधबार मृत्यु भएपछि मेयर शाहले राज्यका कारण ज्यान गुमाउनु परेको बताएका हुन् ।

‘एकजना नागरिक आफूले देखेको प्रगतिको चाहनाका लागि सक्ने सबै कर्म गर्छ। एकजना नागरिक आफूले चिनेको वा जानेको सबैलाई आफ्नो विगत र आगत वर्णन गरेर आत्महत्या गर्न लागेको खबर गर्छन्’, आत्मदहको सबैभन्दा ठूलो कारण राज्य भएको बताउँदै मेयर शाहले लेखेका छन्, ‘एकजना नागरिक संसद भवनको अगाडि आफूमाथि पेट्रोल खन्याएर आत्मदाह गर्छन्। त्यो आत्मदाहका धेरै कारण र धेरै संकेतहरु होलान् तर सबैभन्दा ठूलो कारण राज्य हो। र, सबैभन्दा भयानक संकेत राज्यको चरम असफलताको हो।’

उक्त घटना हुनु भनेको राज्यका हरेक तप्का, निकाय र अंग असफल हुनु भएको उल्लेख गर्दै उनले अगाडी लेखेका छन्  ‘उनको व्यवसायमा, उनको निराशामा, उनको सहयोगको याचनामा, उनको सुरक्षामा, उनको उद्दारमा, उनले भोगेको हरेक चरणमा राज्य असफल भएको छ। राज्यका हरेक तप्का, निकाय र अंगहरु असफल भएका छन्।

 

प्रतिक्रिया
सम्बन्धित समाचार
ताजा अपडेट