सोमवार, माघ ९, २०७९
अथिया सेट्टी र क्रिकेटर केएल राहुल आज विवाह गर्दै

अथिया सेट्टी र क्रिकेटर केएल राहुल आज विवाह गर्दै


  • स्वदेश नेपाल
  • सोमवार, माघ ९, २०७९

बलिउड अभिनेत्री आथिया शेट्टीले क्रिकेटर केएल राहुलसँग आज अर्थात २३ जनवरीमा विवाह गर्दैछिन् । दुवै विगत ३ वर्षदेखि एकअर्कालाई डेट गर्दै आएका छन् र केही महिनादेखि डेटिङ र छुट्टीका कारण चर्चामा छन् ।

यद्यपि क्रिकेटर र अभिनेत्रीको यो पहिलो जोडी भने होइन । क्रिकेट र बलिउड बिचको सम्बन्ध सन् १९६८ को हो जब उनको युगकी शीर्ष अभिनेत्री शर्मिला टैगोरले टीम इन्डिया क्रिकेट टिमका नवाब र कप्तान मन्सूर अली खान पटौदीसँग विवाह गरेकी थिइन्। दुई फरक ठूला क्षेत्रको शर्मिला(मन्सुरको जोडीलाई मन पराइयो र सफल पनि भयो ।

यसपछि रीना राई, संगीता बिजलानी, गीता बसरा, अनुष्का शर्मा जस्ता धेरै अभिनेत्रीहरु क्रिकेटरहरुसँग बस्न थाले । त्यही समयमा अमृता सिंह, सुस्मिता सेन, दीपिका पादुकोण जस्ता धेरै अभिनेत्रीहरु थिए जसको क्रिकेटरहरुसँग प्रेम सम्बन्ध थियो तर उनीहरुको सम्बन्ध विवाहसम्म पुग्न सकेन ।

अथिया शेट्टी र केएल राहुलको संगीत समारोह आइतबार भएको थियो। रिपोर्टका अनुसार यो जोडीले विवाहमा नो फोन नीति राखेका छन्। कुनै पाहुनालाई फोन बोक्न अनुमति छैन। तर अहिले पनि विवाहस्थलबाट यिनको संगीत समारोहका भिडियो सामाजिक सञ्जालमा भाइरल भइरहेका छन् ।

भिडियोमा सुनील शेट्टीको खण्डालाको बंगलालाई बत्तीले सजाइएको देखिन्छ । अथिया र केएल राहुलको विवाह स्थलमा पाहुनाको हलचल स्पष्ट देख्न सकिन्छ । सबैजना परम्परागत पहिरनमा सजिएका छन् ।

प्रतिक्रिया
सम्बन्धित समाचार
ताजा अपडेट