शुक्रबार, मंसिर १६, २०७९
स्याङ्जा २ : धनराजले झण्डै १३ हजार मत पाउँदा ,पद्माको कति ?

स्याङ्जा २ : धनराजले झण्डै १३ हजार मत पाउँदा ,पद्माको कति ?


  • स्वदेश नेपाल
  • शुक्रबार, मंसिर १६, २०७९

स्याङ्जाको २ प्रतिनिधिसभा निर्वाचन क्षेत्रको मतगणना जारी छ । हालसम्म नेपाली कांग्रेसका उम्मेदवार धनराज गुरुङले १२ हजार ९५३ मत पाउँदा नेकपा एमालेकी उम्मेदवार पदमाकुमारी अर्यालले १० हजार ६२७ मत पाएकी छन् ।राष्ट्रिय स्वतन्त्र पार्टीका टिकराज गुरुङले ५ हजार ६७६ मत पाएका छन् । मतगणना जारी छ ।

समानुपातिकतर्फ एमालेको २७,७३,९९९, एकीकृत समाजवादीले ल्यायो २,९४,०६३ मत

यही मंसिर ४ गते भएको प्रतिनिधिसभा र प्रदेशसभा सदस्य निर्वाचनको प्रत्यक्ष र समानुपातिकतर्फको मतगणना करिब अन्तिम चरणमा पुगेको छ ।

शुक्रबार बिहान १० बजेसम्मको मतपरिणामानुसार प्रतिनिधिसभाको समानुपातिक निर्वाचन प्रणालीतर्फ नेकपा (एमाले) अग्रस्थानमा कायमै छ । एमालेले २७ लाख ७३ हजार ९९९ मत पाएको छ । दोस्रो स्थानमा रहेको नेपाली कांग्रेसले २६ लाख ४४ हजार २४१ मत ल्याएको छ ।

नेकपा (माओवादी केन्द्र) तेस्रो स्थानमै छ । माओवादी केन्द्रले ११ लाख ६१ हजार २५६ मत पाएको छ ।११ लाख १९ हजार ९६६ मतसहित राष्ट्रिय स्वतन्त्र पार्टी चौथो स्थानमा छ ।राष्ट्रिय प्रजातन्त्र पार्टी (राप्रपा) पाँच लाख ८५ हजार ९२१ मतसहित पाँचौँ, जनता समाजवादी पार्टी (जसपा) चार लाख २० हजार ९३१ मत पाउँदै छौटौँ स्थानमा छ ।

जनमत पार्टी तीन लाख ९४ हजार ३४५ मतसहित सातौँ, नेकपा (एकीकृत समाजवादी) दुई लाख ९४ हजार ६३ मतसहित आठौँ, नागरिक उन्मुक्ति पार्टी दुई लाख ७१ हजार ६५८ मत पाउँदै नवौँ, लोकतान्त्रिक समाजवादी पार्टी (लोसपा) एक लाख ६७ हजार २७८ मतसहित दशौँ स्थानमा छ । अरू पार्टीले एक लाखभन्दा कम मत पाएका छन् । अहिलेसम्म एक करोड तीन लाख ८२ हजार ८५ मत गनिएको छ ।

प्रतिक्रिया
सम्बन्धित समाचार
ताजा अपडेट