सोमवार, अशोज १७, २०७९
काठमाडौं सुनसान बन्यो

काठमाडौं सुनसान बन्यो


  • स्वदेश नेपाल
  • सोमवार, अशोज १७, २०७९

काठमाडौं । दशैँका लागि गाउँघर जानेको सङ्ख्या बढेसँगै काठमाण्डौ उपत्यकाका सडकमा गाडीको सङ्ख्या कम भएको छ । उपत्यकामा हिजोदेखि नै गाडीको चाप कम छ ।

हिजोको भन्दा आज र भोलि झन् गाडी कम चल्नेछन् । यसले गर्दा सडक खालीखाली जस्तै हुन थालेको छ । महानगरीय ट्राफिक प्रहरी महाशाखाले सडक खाली हुँदा धेरैले तीव्र गतिमा गाडी चलाउने गरेको भन्दै त्यसो नगर्न आग्रह गरेको छ । तीव्र गतिमा गाडी कुदाउँदा दुर्घटनाको जोखिम धेरै हुन्छ ।

दुर्घटना रोकथामका लागि भन्दै प्रहरीले काठमाण्डौ उपत्यकाका ठाउँठाउँमा राडार गनसहित सुरक्षा जाँचलाई बढाएको छ । हिजो एकैदिन तीव्र गतिमा गाडी चलाउने १ सय ४५ जनालाई ट्राफिक प्रहरीले कारबाही गरेको छ ।

कारबाहीमा परेकाले ५ सय रुपैयाँदेखि एक हजार ५ सय रुपैयाँसम्म जरिबाना तिर्नुपर्नेछ । तीव्र गतिमा गाडी चलाउने विरुद्ध अहिले कारबाही अभियान भइरहेको छ ।

प्रतिक्रिया
सम्बन्धित समाचार