मङ्लबार, अशोज ११, २०७९
सिटबाँडफाँडबारे आज सहमति जुट्ने सम्भावना

सिटबाँडफाँडबारे आज सहमति जुट्ने सम्भावना


  • स्वदेश नेपाल
  • मङ्लबार, अशोज ११, २०७९

काठमाडौं । सरकारमा रहेका राजनीतिक दलहरूको गठबन्धनले आगामी मङ्सिर ४ मा हुने प्रतिनिधि र प्रदेश सभा निर्वाचनका लागि सिट बाँडफाँडमा आज सहमति गर्ने सम्भावना रहेको नेताहरूले दावी गरेका छन् ।

सहमति अघि सिट बाँडफाँड गर्न गठित कार्यदलको बैठक बिहान बस्ने एकीकृत समाजवादी पार्टीका प्रचार विभाग प्रमुख जगन्ननाथ खतिवडाले बताउनुभयो । उहाँका अनुसार कार्यदलमा छलफल भएपछि शीर्ष तहमा सहमति गरिनेछ । नेपाली काँग्रेस भित्रको विवादको प्रभाव सिट बाँडफाँडमा देखिएको अरु दलहरूको निष्कर्ष छ ।

सरकारमा सहभागी काँग्रेस, नेकपा माओवादी केन्द्र, नेकपा एकीकृत समाजवादी पार्टी, जनता समाजवादी पार्टी र राष्ट्रिय जनमोर्चा आगामी चुनावमा सहमति गरेर जाने रणनीतिमा छन् । कार्यदलका एक सदस्यका अनुसार नेपाली काँग्रेस प्रतिनिधि सभातर्फ ८५ सिट लिन सहमत देखिएको छ ।

काँग्रेस र राष्ट्रिय जनमोर्चालाई छुट्याएर बाँकी सिटमा माओवादी केन्द्र, एकीकृत समाजवादी र जनता समाजवादी पार्टी (जसपा) बीच सहमति खोज्ने तयारी शीर्ष नेताहरूले गरेका छन् ।

प्रतिक्रिया
सम्बन्धित समाचार