सोमवार, जेष्ठ २, २०७९
कांग्रेसको गढ भत्काएर एमालेका विकास थापा विजयी, गठबन्धनमा गयो भुइँचालो !

कांग्रेसको गढ भत्काएर एमालेका विकास थापा विजयी, गठबन्धनमा गयो भुइँचालो !


  • स्वदेश नेपाल
  • सोमवार, जेष्ठ २, २०७९

कांग्रेसको गढ भनेर चिनिने भरतपुर महानगरपालिकाको वडा नम्बर-३ मा नेकपा एमालेले वडाध्यक्ष जितेको छ।

यो वडामा गठबन्धनबाट कांग्रेसका उम्मेदवार भरतप्रसाद लामिछानेलाई हराउँदै एमालेका विकास थापा वडाध्यक्षमा निर्वाचित भएका हुन्। थापाले लामिछानेलाई ६ सय बढी मतअन्तरले हराए।

यो वडामा कांग्रेसबाट उम्मेदवार तोक्ने क्रममा ठूलो विवाद भएको थियो।

थापाले १६६६ मत ल्याउँदा लामिछानेले १०४९ मत मात्र प्राप्त गरे ।

भरतपुरका ३ वटा वडाको मत गणना सकिँदा मेयरमा एमालेका विजयी सुवेदीले अग्रता लिइरहेका छन् भने रेनुले पछ्याइरहेकी छिन् ।

भरतपुर-३ मा कांग्रेसी मतदाताको संख्या बढी छ । कांग्रेसका बागी उमेदवार जगन्नाथ पौडेलले पाएको मत हेर्दा पनि त्यो कुरा पुष्टि हुन्छ । उसो त यो वडा पौडेलको उम्मेदवारीको खम्बा बनेर उभिएका कृष्णलाल सापकोटाको वडा हो । गठबन्धनसँग रुष्ट बनेका कांग्रेसीले पौडेललाई मत दिएका छन् ।

प्रतिक्रिया
सम्बन्धित समाचार
ताजा अपडेट