बुधबार, बैशाख २८, २०७९
सरकारको नीति तथा कार्यक्रम जेठ ७ गते संसदमा प्रस्तुत गरिँदै

सरकारको नीति तथा कार्यक्रम जेठ ७ गते संसदमा प्रस्तुत गरिँदै


  • स्वदेश नेपाल
  • बुधबार, बैशाख २८, २०७९

 


काठमाडौं । सरकारको आर्थिक वर्ष २०७९/८० को नीति तथा कार्यक्रम आउँदो जेठ ७ गते संसद्मा प्रस्तुत गरिने भएको छ । राष्ट्रपति विद्यादेवी भण्डारीले जेठ ३ गतेका लागि संसद् अधिवेशन आह्वान गरेकी छन् । सरकारको आर्थिक वर्ष २०७९/८० को नीति तथा कार्यक्रम जेठ ७ गते संसद्मा सार्वजनिक गर्ने कार्ययोजना बनेको संघीय संसद् सचिवालयले जनाएको छ ।

हरेक वर्षको जेठ १५ गते बजेट ल्याउनुपर्ने संवैधानिक व्यवस्था छ । त्यसअघि नीति तथा कार्यक्रम सार्वजनिक गरिन्छ ।

सरकारको नीति तथा कार्यक्रममाथि जेठ ८ देखि ११ गतेसम्म छलफल हुनेछ । बजेट अधिवेशनका लागि संसद् सचिवालयले सुरक्षा, स्वास्थ्य सुरक्षाका मापदण्डलगायत भौतिक तयारी पूरा गरेको जनाइएको छ ।

जेठ ३ गते प्रतिनिधिसभाको बैठकमा अर्थमन्त्री जनार्दन शर्माले बजेट सिद्धान्त र प्राथमिकतासम्बन्धी प्रस्ताव पेस गर्ने कार्यक्रम छ । जेठ ४ र ५ गते संसद्मा प्रि–बजेटमाथि छलफल हुनेछ ।

अर्थमन्त्री शर्माले जेठ १२ वा १३ गते संसद्मा आर्थिक सर्वेक्षणसम्बन्धी प्रस्ताव पेस गर्ने र संवैधानिक प्रावधानानुसार जेठ १५ गते बजेट भाषण गर्ने तयारी रहेको छ ।

प्रतिक्रिया
सम्बन्धित समाचार
ताजा अपडेट