बुधबार, बैशाख २८, २०७९
९ महिनामा ७ खर्ब २४ अर्ब बढी रेमिट्यान्स भित्रियो(पूर्णपाठसहित)

९ महिनामा ७ खर्ब २४ अर्ब बढी रेमिट्यान्स भित्रियो(पूर्णपाठसहित)


  • स्वदेश नेपाल
  • बुधबार, बैशाख २८, २०७९


काठमाडौं । चालू आर्थिक वर्षको ९ महिनाको अधिमा विदेशबाट आप्रवाह हुने रेमिट्यान्स (विप्रेषण) ०.६ प्रतिशतले घटेको पाइएको छ ।
नेपाल राष्ट्र बैंकले बुधबार जारी गरेको ९ महिनाको तथ्यांकअनुसार गत वर्षको सोही अवधिको तुलनामा ०.६ प्रतिशतले रेमिट्यान्स आप्रवाह घटेको हो ।

यस अवधिमा नेपालमा विदेशबाट ७ खर्ब २४ अर्ब ७४ करोड रुपैयाँ भित्रिएको छ । जुन, गत वर्षको तुलनामा ०.६ प्रतिशतले न्यून हो । गत वर्षको यही अवधिमा रेमिट्यान्सको आप्रवाह १६.५ प्रतिशतले बढेको थियो ।

यस्तै, अमेरिकी डलरमा रेमिट्यान्स आप्रवाह २.२ प्रतिशतले घटेर अहिलेसम्म ६ अर्ब ५ करोड डलर भित्रिएको छ । गत वर्ष यस्तो आप्रवाह १३.१ प्रतिशतमा सीमित थियो ।

चालू आर्थिक वर्षको ९ महिनामा रेमिट्यान्स आप्रवाह सामान्य गिरावट आएपनि वैदेशिक रोजगारीमा जानेहरूको संख्या उल्लेख्य रूपमा बढेको केन्द्रीय बैंकले जनाएको छ । अहिलेसम्म वैदेशिक रोजगारीका लागि अन्तिम श्रम स्वीकृत (संस्थागत तथा व्यक्तिगत–नयाँ र वैधानिकीकरण) लिने नेपालीको संख्या बढेको छ ।

अहिलेसम्म वैदेशिक रोजगारीका लागि श्रम स्वीकृति लिनेको संख्या २ लाख ५६ हजार ३१ जना पुगेको छ । गत वर्षको सोही अवधिको तुलनामा यस्तो सङ्ख्या ७४.९ प्रतिशतले घटेको थियो । यस्तै, वैदेशिक रोजगारीका लागि पुनःश्रम स्वीकृत लिने नेपालीको संख्या १९९.९ प्रतिशतले बढेको छ । अहिलेसम्म पुनः श्रम स्वीकृति लिनेको सङ्ख्या २ लाख ६ हजार ६२९ पुगेको छ । गत वर्ष यस्तो स्वीकृति ६०.७ प्रतिशतले घटेको थियो ।

पूर्णपाठ हेर्न यहाँ क्लिक Current-Macroeconomic-and-Financial-Situation-Nepali-Based-on-Nine-Months-data-of-2078.79  गर्नुहोस्

प्रतिक्रिया
सम्बन्धित समाचार
ताजा अपडेट