काठमाडौं । आगामी जेठदेखि सातामा दुई दिन सार्वजनिक विदा लागू हुने भएपछि बैंकहरु पनि सोहीअनुसार चल्ने भएका छन्। नेपाल राष्ट्र बैंकले सरकारको योजनाअनुसार काम गर्न बैंक तथा वित्तीय संस्थाहरुलाई निर्देशन दिएको हो।
यसअनुसार शनिबार र आइतबार बैंकहरु खुल्नेछैनन्। तर शुक्रबार भने पूरा समय खुल्नेछ। तोकिएका दिनबाहेक जेठ १ देखि बैंकहरु बिहान ९ः३० बजे नै खुलेर अपराह्न ४ः०० सम्म सेवा प्रदान गर्नेछन्। यद्यपि कार्यालय समय भने बिहान ९ः३० देखि अपराह्न ५ः३० बजे कायम हुनेछ।
कात्तिक १६ देखि माघ १५ सम्म भने बिहान ९ः३० बजे खुलेर बैंकहरु अपराह्न ३ः३० मा बन्द हुनेछन्। यो अवधिमा कार्यालय समय भने ९ः३० देखि अपराह्न ४ः३० सम्म हुनेछ।
प्रतिक्रिया
सम्बन्धित समाचार
