शुक्रबार, पुस ३०, २०७८
यी ६ जिल्ला कोरोनाको रेड जोनमा

यी ६ जिल्ला कोरोनाको रेड जोनमा


  • स्वदेश नेपाल
  • शुक्रबार, पुस ३०, २०७८

काठमाडौं । पाँच जिल्लामा कोरोनाभाइरसको सक्रिय संक्रमित संख्या ५०० भन्दा माथि पुगेको छ ।

स्वास्थ्य तथा जनसंख्या मन्त्रालयका अनुसार काठमाडौं, भक्तपुर, ललितपुर, मोरङ, सुनसरी र कास्कीमा सक्रिय संक्रमित त्यति पुगेको हो ।

काठमाडौं उपत्यकाका तीन जिल्लामा मात्र सक्रिय संक्रमित संख्या १० हजार ८११ पुगेको छ ।

झापा, चितवन, मकवानपुर, नवलपरासी पूर्व, बाँके, रुपन्देही र कैलालीमा सक्रिय संक्रमित संख्या २०० भन्दा माथि छ ।

मन्त्रालयका अनुसार शुक्रबार ७६ वटै जिल्लामा संक्रमण फैलिएको छ । शुक्रबार मुलुकभर भाइरसका ५०८७ जना संक्रमित पुष्टि भएका छन् ।

ह्वात्तै बढे कोरोना संक्रमित, आज कति थपिए ?

काठमाडौं । पछिल्लो २४ घण्टामा नेपालमा थप ५ हजार ८७ जनामा कोरोना भाइरसको संक्रमण पुष्टि भएको छ ।

स्वास्थ्य तथा मन्त्रालयका अनुसार पछिल्लो २४ घण्टामा पीसीआर विधिबाट १३ हजार ४७४ र एन्टिजेन विधिबाट ७ हजार ८६ जनामा परिक्षण गर्दा ५ हजार ८७ जनामा कोरोना संक्रमण देखिएको हो ।

यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ४१ हजार २९७ र एन्टिजेन विधिबाट भएको परीक्षणमा ९९ हजार २२५ जना पुगेको छ।

यस्तै, आज थप ३०६ जना कोरोना संक्रमण मुक्त भएका छन् भने थप ३ को मृत्यु भएको जानकारी छ । नेपालमा कोरोनाबाट ज्यान गुमाउनेको कुल संख्या ११ हजार ६१३ छ । हाल देशभर सक्रिय संक्रमितको संख्या १८ हजार २३५ रहेको छ ।

प्रतिक्रिया
सम्बन्धित समाचार
ताजा अपडेट