मङ्लबार, मंसिर २१, २०७८
सन् २०२१ का सय प्रभावशाली महिलाको सूची सार्वजनिक, नेपालबाट को परिन् ?

सन् २०२१ का सय प्रभावशाली महिलाको सूची सार्वजनिक, नेपालबाट को परिन् ?


  • स्वदेश नेपाल
  • मङ्लबार, मंसिर २१, २०७८

लन्डन । बीबीसीले सन् २०२१ का विश्वभरिका एकसय प्रभावशाली महिलाहरूको सूची सार्वजनिक गरेको छ।

यसवर्षको सूचीमा आधाजसो अफगानिस्तानका महिला छन् । नेपालबाट यसपटक कुनैपनि सूचीकृत छैनन् । गतवर्ष नेपालकी १९ वर्षीया सपना रोका मगर सूचीमा अटाएकी थिइन् ।

बीबीसीले प्रत्येक वर्ष ‘बीबीसी १०० विमिन’ कार्यक्रमअन्तर्गत महिला केन्द्रित समाचारलाई विशेष महत्वका साथ प्रकाशित गर्छ। यही अवसरमा विश्वभरि विशेष योगदान दिने प्रभावशाली १०० महिलाको नाम प्रकाशित गर्ने गरेको छ।

सूचीमा परेकाहरूमध्ये सबैभन्दा कान्छी नोबेल शान्ति पुरस्कार विजेता मलाला युसुफजाइ, समोआकी प्रथम महिला प्रधानमन्त्री फियामे नाओमी मटाफा, भ्याक्सीन कन्फिडेन्स प्रोजेक्टकी प्रमुख प्राध्यापक हेइडी जे लार्सन, अनि चर्चित् लेखिका चिमामान्डा नगोजी अडिची पनि छन्।

सन् २०२१ को अगस्टमा तालिबान सत्तामा आएपछि दशौँ लाख अफगानहरूको जीवन बदलेको थियो बालिकाहरूलाई माध्यमिक शिक्षा लिनबाट वञ्चित पारियो, महिला मामिला मन्त्रालय खारेज समेत गरियो ।

यो वर्षको सूचीले भने अफगान महिलाहरूले प्रस्तुत गरेको साहस तथा उनीहरूको उपलब्धिलाई सम्मान गरेको छ।

प्रतिक्रिया
सम्बन्धित समाचार
ताजा अपडेट