बुधबार, कार्तिक ३, २०७८
इन्सपेक्टरमा जागिर लगाइदिन्छु भन्दै १३ लाख झ्वाम पार्ने ‘नक्कली डीएसपी’ पक्राउ

इन्सपेक्टरमा जागिर लगाइदिन्छु भन्दै १३ लाख झ्वाम पार्ने ‘नक्कली डीएसपी’ पक्राउ


  • स्वदेश नेपाल
  • बुधबार, कार्तिक ३, २०७८

 

सुर्खेत । डीएसपी हुँ भन्दै लाखौं ठगी गर्ने एकजना पक्राउ परेका छन्। पक्राउ पर्नेमा झापा निवासी निलम भट्टराई रहेका छन्। जिल्ला प्रहरी कार्यालय सुर्खेतले ठगीको आरोपमा भट्टराई पक्राउ गरेको हो।

राष्ट्रिय अनुसन्धान विभागको प्रहरी निरीक्षक (इन्सपेक्टर) मा जागिर लगाइदिने भन्दै एक महिलासँग १३ लाख रुपैयाँ ठगि गरेको उजुरी आएपछि भट्टराईलाई पक्राउ गरिएको सुर्खेतका प्रहरी उपरीक्षक (एसपी) पदमबहादुर विष्टले जानकारी दिए।

‘महानगरीय प्रहरी अपराध महाशाखा काठमाडौंले जागिर लगाई दिने प्रलोभन दिएर ठगी गर्ने नक्कली डीएसपी सुर्खेत आसपासका क्षेत्रमा रहेको भन्ने सूचनाका आधारमा भट्टराईलाई पक्राउ गरिएको हो,’ उनले भने, ‘उनले आफूलाई नेपाल प्रहरीको प्रहरी नायब उपरीक्षक (डीएसपी) हुँ भन्दै ठगी धन्दा चलाएर हिँडेका झापाका निलम भट्टराईलाई मंगलबार सुर्खेतमा पक्राउ गरेका हौं।’

उनको साथबाट नक्कली डीएसपीको परिचय–पत्रसमेत बरामद भएको छ। पक्राउ परेका भट्टराईलाई सुर्खेत प्रहरीले आजै हवाईजहाजबाट महानगरीय प्रहरी अपराध महाशाखा काठमाडौ लगेको छ।

प्रतिक्रिया
सम्बन्धित समाचार
ताजा अपडेट