बुधबार, कार्तिक ३, २०७८
जेलमै थन्किए शाहरुखका छोरा आर्यन, जमानत याचिका खारेज

जेलमै थन्किए शाहरुखका छोरा आर्यन, जमानत याचिका खारेज


  • स्वदेश नेपाल
  • बुधबार, कार्तिक ३, २०७८

एजेन्सी – बलिउड अभिनेता शाहरुख खानका छोरा आर्यन खानको जमानत निवेदन खारेज भएको छ। अदालतले खार्उनलाई जमानत दिन पुनः अस्वीकार गरेको हो।

आर्यन अक्टोबर १४ मा क्रुज ड्र,ग्स पार्टीमा पक्राउ परेका थिए। सेसन्स कोर्टले पछिल्लो पटक उनको निवेदनलाई अस्वीकार गर्दै दुवै पक्षको बहस सुन्दै फैसला सुरक्षित राखेको थियो।

आर्यनसहित अन्य दुईले अदालत समक्ष दिएको निवेदनलाई अदालतले बुधबार सुनुवाई गर्ने बताएको थियो। तर अदालतले बुधबार पनि आर्यनसहित दुई व्यक्ति अरबाज मर्चेन्ट र मुनमुन धामेचाको जमानत निवेदन खारेज गरिदिएको हो।

अदालतको यो निर्णयसँगै अब आर्यनको रिहाईका लागि शाहरुखका वकिल अमित देसाईले बम्बई हाई कोर्टमा पुनरावलोकनका लागि आग्रह गर्नेछन्। त्यो समयसम्म आर्यन मुम्बईको आर्थर रोडमै बस्नेछन्।

अदालतले आर्यनको विषयमा निर्णय लिइरहँदा अदालत बाहिर उनका फ्यानहरुले उनको रिहाईको माग गरिरहेका थिए। आर्यन कैयौं दिनदेखि मुम्बईको आर्थर रोड जेलमा नै छन्।

आर्यन पक्राउ परेका अन्य सातजनासँगै जेलमा छन्। उनलाई केही दिन अघि स्पेशल ब्यारेकमा सारिएको थियो। जहाँ उनलाई कडा सुरक्षा व्यवस्था गरिएको छ।

प्रतिक्रिया
सम्बन्धित समाचार
ताजा अपडेट