मङ्लबार, कार्तिक २, २०७८
खुशीको खबर! नेपाललाई थप २० लाख डोज खोप दिने चीनको घोषणा

खुशीको खबर! नेपाललाई थप २० लाख डोज खोप दिने चीनको घोषणा


  • स्वदेश नेपाल
  • मङ्लबार, कार्तिक २, २०७८

काठमाडौं – उत्तरी छिमेकी देश चीनले नेपाललाई थप कोरोना रोकथामका लागि २० लाख डोज खोप दिने भएको छ । परराष्ट्रमन्त्री नारायण खड्का र चिनियाँ विदेशमन्त्री वाङ यीबीच टेलिफोन सम्वाद भएको हो ।

मंगलबार भएको कुराकानीका क्रममा चिनियाँ विदेशमन्त्री यीले थप २० लाख डोज खोप अनुदान दिने घोषणा गरेको मन्त्रालयले जारी गरेको प्रेस विज्ञप्तिमा उल्लेख छ । यीले परराष्ट्रमन्त्री खड्कालाई चीन भ्रमणको निम्तो समेत दिएका छन् ।

मन्त्रालयका अनुसार टेलिफोन कुराकानीमा खड्का र यीबीच दुईपक्षीय सम्बन्ध, कोभिड–१९ विरुद्धको खोपमा सहकार्य, व्यापार र विकासमा समन्वय र सीमा व्यवस्थापनका विषयमा छलफल भएको थियो ।

कुराकानीका क्रममा तातोपानी र रसुवागढी नाकाबाट थप कन्टेनर ल्याउन दिने विषयमा पनि छलफल भएको बताइएको छ ।

प्रतिक्रिया
सम्बन्धित समाचार
ताजा अपडेट