शनिबार, अशोज २३, २०७८
ड्रग्स प्रकरण : छोरा जेलमा हुँदा शाहरुख खानलाई यति धेरै घाटा

ड्रग्स प्रकरण : छोरा जेलमा हुँदा शाहरुख खानलाई यति धेरै घाटा


  • स्वदेश नेपाल
  • शनिबार, अशोज २३, २०७८

काठमाडौँ –

अभिनेता शाहरुख खानका  छोरा आर्यन खानलाई ला’गुऔषध मामलामा मुम्बईको एक अदालतले १४ दिनको न्यायिक हि’रासतमा पठाएको छ ।

यही कारण शाहरुखलाई व्यावसायिक रुपमा करोडौंको घाटा लाग्न सुरु भइसकेको छ । शाहरुखसँग जोडिएका सबै विज्ञापनलाई विज्ञापन कम्पनी बायजूले फिर्ता लिएको छ । जसकारण उनलाई क’रोडौं घाटा भएको छ ।

शाहरुख सन् २०१७ देखि एजुकेशन एप बायजूको ब्राण्ड एम्बासेडर थिए । उनले यो ब्राण्डका लागि कैयौं विज्ञापन गरिसकेका छन् । आर्यन लागुऔषध मामलामा पक्राउ परेपछि शाहरुखविरुद्ध सामाजिक सञ्जालमा लगातार आक्रोश व्यक्त भइरहेको छ । शाहरुख लगातार ट्रोलमा परेपछि कम्पनीले यो कदम उठाएको हो । यो ब्राण्डबाट शाहरुखले वार्षिक रुपमा ४ करोड रुपैंयाँसम्म पाउँथे ।

‘बायजूले शाहरुखसँग जोडिएका सबै प्रमोसन हालका लागि रोकेको छ । शिक्षा क्षेत्रमा कार्यरत यो कम्पनी शाहरुखको विवादसँग जोडिन चाहदैन । यी विज्ञापनलाई सामान्य प्रक्रियामा एडभान्स बुक गरिएको थियो । त्यसकारण यसलाई रोक्नका लागि केही समय लाग्नेछ’, कम्पनी निकट स्रोतले भनेको छ ।

बायजूका अलावा शाहरुखले हुण्डाई, एलजी, दुबई टुरिजम, आईसीआईसीआई बैंक र रियालन्स जिओसहित कैयौं ब्राण्डको प्रमोसन गरिरहेका छन् । उनी बिग बास्केटसँग पनि जोडिएका छन् ।

क्रिएटिभ एड एजेन्सी एफसीबी इण्डियाका ग्रुप चेयरमेन रोहित ओहरीले शाहरुखको ब्राण्ड भ्यालुले बायजूलाई ठूलो सहयोग पुगेको खुलासा गरेका छन् ।

प्रतिक्रिया
सम्बन्धित समाचार
ताजा अपडेट