बुधबार, भदौ ३०, २०७८
के हो निपाहा भाइरस ? यो मानिसमा कसरी सर्छ ?

के हो निपाहा भाइरस ? यो मानिसमा कसरी सर्छ ?


  • स्वदेश नेपाल
  • बुधबार, भदौ ३०, २०७८

काठमाडौँ –

निपाह भाइरस पशुबाट मानिसमा सर्ने एक गम्भीर प्रकृतिको रोग लाग्‍ने भाइरसको संक्रमण हो । यस भाइरस प्राकृतिक रुपमा फ्रुट ब्याट भन्ने प्रजातिको चमेरोमा पाइन्छ ।

कसरी सर्छ मानिसमा ?

संक्रमित चमेरोबाट सुँगुर, गाई गोरुजस्ता जनावर हुँदै मानिसमा सर्छ । संक्रमित पशुको संसर्गमा आएको फलफूल प्रयोग गरेमा । संक्रमित व्यक्तिमो रगत दिसा पिसाबसँग प्रत्यक्ष सम्पर्कमा आएमा ।

निपाह भाइरसका लक्षणहरू

ज्वरो आउने, रिङ्गटा लाग्ने, टाउको दुख्‍ने, मांसपेशी दुख्‍ने, वाकवाकी लाग्ने, स्वाशप्रस्वाशमा कठिनाइ हुने र टन्सिलाइटिस हुने ।

रोकथाम कसरी गर्ने ?

फलफूल राम्रोसँग पखालेर मात्र खाने, तरकारी सकेसम्म पकाएर खाने,गाईवस्तुको गोठ र फार्म सफा राख्‍ने, मासु काटदा, पकाउँदा पञ्जा र मास्कको प्रयोग गर्ने, सकेसम्म पानी उमालेर मात्र पिउने, बेलाबेलामा साबुनपानीले हात धुने र भिडभाडमा जाँदा मास्क लगाउने ।

यसको औषधि छ कि छैन ?

निपाह भाइरसबाट लाग्ने रोगको उपचार छैन । हालसम्म यो भाइरसको औषधिको विकास भएको छैन । विश्व स्वास्थ्य सङ्गठनका अनुसार यो भाइरस विरुद्धको औषधि पत्ता लागेको छैन । यस्तै निपाह भाइरसविरुद्धको खोप पनि विकास भएको छैन । यो रोग लागेपछि आईसीयूमा राखेर उपचार गर्नुपर्छ । विशेषज्ञका अनुसार यो रोगको लक्षण देखापरेको २४ देखि ४८ घण्टाभित्रै बिरामी कोमामा जान सक्छन् । यो भाइरसबाट रोग लागेका मध्ये ७० प्रतिशत मानिसको मृत्यु हुनेगरेको पाइन्छ ।

 

 

प्रतिक्रिया
सम्बन्धित समाचार
ताजा अपडेट