महरालाई छुटाउन उच्च अदालतमा रोशनीको निवेदन

प्रकाशित मिति : १७ मंसिर २०७६, मंगलवार

काठमाडौं,ब’ला’त्का’र प्रयासको अ’भियोगमा जेलमा रहेका पूर्वसभामुख कृष्णबहादुर महरालाई छुटाउन पीडित भनिएकी रोशनी शाहीले उच्च अदालत पाटनमा निवेदन दर्ता गराएकी छन् ।

जिल्ला अदालतको थुनामा पठाउने आदेश बेरीतको भएको भन्दै महराबाटै ब’ला’त्कृ’त भएकी भनिएकी शाहीले दुई दिनअघि उच्च अदालत पाटनमा निवेदन दिएकी हुन् ।

जिल्लाको आदेशविरुद्ध महरा पनि उच्च अदालत गएका छन् । सुनुवाईको क्रममा रोशनीले समेत निवेदन दिएकी हुन् । उच्च अदालत पाटनका रजिष्ट्रार बाबुराम दाहालका अनुसार रोशनीको सो निवेदनलाई अदालत प्रशासनले दरपीठ गरिदिएको छ ।

रोशनीले निवेदनमा महराविरुद्धको जाहेरीमा आफूलाई ज’ब’र्ज’स्ती हस्ताक्षर गर्न लगाएको, जिल्ला अदालतले थुनामा राख्न गरेको आदेश कानुनसम्मत नभएकोलगायतका कारण उल्लेख गर्दै थुनामा राख्ने आदेश बदर गर्न माग गरेकी छन् ।

निवेदनलाई प्रशासनले दरपीठ गरेपछि रोशनी दरपीठ आदेशविरुद्ध आज इजलासमा निवेदन दिन पुगेकी छन् । रजिष्ट्रार दाहालका अनुसार उनको निवेदन भोलि इजलासमा पेश हुनेछ ।

दाहालले जाहेरीकर्ता स्वयं आदेशविरुद्ध निवेदन दिन आएका कारण अदालत प्रशासनले दर्ता अ’स्वीकार गरेको बताउँछन् ।दरपीठविरुद्धको निवेदनलाई इजलासले बदर गरे रोशनीको निवेदन उच्च अदालत पाटनमा दर्ता हुनेछ ।

प्रशासनले गरेको दरपीठ आदेशविरुद्ध इजलासमा निवेदन दिन सकिने कानुनी व्यवस्थालाई टेकेर रोशनीले निवेदन दिएकी हुन् ।महराले थुनामा पठाउने जिल्ला अदालतको आदेशविरुद्ध गत ५ मंसिरमा उच्च अदालत पटनमा निवेदन दिइसकेका छन् ।

जिल्ला अदालत काठमाडौंले गत १८ कात्तिकमा महरालाई ब’ला’त्का’र प्रयासको अ’भियोगमा पुर्पक्षका लागि थुनामा राख्न आदेश दिएको थियो । पनि जिल्ला अदालतमा समेत आफुलाई धम्काएर उजुरी दिन लगाइएको बताएकी थिइन् ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu