१३ औं सागको पहिलो दिन नेपालले जित्यो १५ स्वर्ण

प्रकाशित मिति : १६ मंसिर २०७६, सोमबार

तेह्रौं दक्षिण एसियाली खेलकुद सागमा नेपालले अहिलेसम्म १५ स्वर्ण जितेको छ। नेपालले कराँतेको काताबाट ३ स्वर्ण जितेको छ। कराँते कातामा व्यक्तिगत तर्फ मण्डेकाजी श्रेष्ठले स्वर्ण जिते भने। पहिला र पुरुष समूह काताबाट पनि नेपालले स्वर्ण जितेको छ।

त्यस्तै कराँते फाइट तर्फ पनि नेपालले ४ स्वर्ण जितेको छ। कराँते फाइट ५५ केजी तौल समूह पुरुषमा लक्ष्मण तामाङले स्वर्ण जितेका छन्। त्यस्तै ८४ किलो भन्दा माथिको तौल समूहमा विप्लवलाल श्रेष्ठले स्वर्ण हात पारे।

महिला तर्फ ५५ केजी तौल समूहमा अनु अधिकारीले स्वर्ण जितिन्। त्यस्तै अर्को स्वर्ण कुसुम खड्काले हात पारिन्। त्यस्तै तेक्वान्दो पुम्से विधाबाट नेपालले ७ स्वर्ण जितेको छ।

तेक्वान्दोबाट कमल श्रेष्ठ र सिना मादेन लिम्बु र पार्वती गुरुङले स्वर्ण जितेका छन्। त्यस्तै व्यक्तिगत तर्फ आयशा शाक्यले तेक्वान्दो पुम्से (कला प्रदर्शनी)बाट स्वर्ण हात पारेकी छिन्।

आयशाले पुम्सेकै २९ वर्षमाथिकै जोडीमा सञ्जिव कुमार ओझासँग मिलेर अर्को स्वर्ण जितेकी हुन्। पुम्से विधाको महिला १७-२३ वर्ष उमेर समूहमा स्वर्ण जिताउने क्रममा निशा दर्नाल, स्वस्तिका तामाङ र सन्जिला तिमिल्सिना विजयी भएका हुन्।

त्यस्तै २३ वर्ष माथि उमेर समूहमा निता गुरुङ, प्रशंसा क्षेत्री र सुशीलाई राईले पनि स्वर्ण जितेका छन् । त्यस्तै ट्रायथलनको महिला तर्फपनि नेपालले स्वर्ण जितेको छ। पोखरामा भएको खेलमा सोनी गुरुङले स्वर्ण हात पारेकी हुन् ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu