विवाह पञ्चमीमा आज तिलकोत्सव, जन्तीको स्वागत गर्न राष्ट्रपति जनकपुर आउँदै

प्रकाशित मिति : १३ मंसिर २०७६, शुक्रबार

धनुषा – राम जानकी विवाह पञ्चमी महोत्सवको चौथो दिन शुक्रबार तिलकोत्सव मनाइँदै छ । त्रेता युगमा भगवान राम र सीताको विवाह भएको सम्झनामा धुमधामसँग मनाइने सप्ताहव्यापि रामजानकी विवाहपञ्चमी महोत्सव अन्तर्गत चौथो दिन तिलकोत्सव कार्यक्रम गर्न लागिएको हो ।

त्रेता युगमा सीतासँग विवाहका लागि जसरी भगवान रामको जन्ती आएको थियो, त्यसैको स्मरणमा प्रत्येक वर्ष अयोध्याबाट विवाह पञ्चमीको अवसरमा साधु सन्तसहितको सयौँको संख्या जन्ती आउने गर्छन् ।

विवाह पञ्चमी महोत्सवको साप्ताहिक कार्यक्रम अनुसार भारत अयोध्याबाट आएका जन्ती र राम मन्दिरका सन्तसमेतको उपस्थितिमा हिन्दू वैवाहिक विधिअनुसार तिलक चढाउने गरिन्छ ।

कार्यक्रममा भगवान श्रीरामको पिताको भूमिकामा राम मन्दिरका महन्थ बाबा रामगिरी र माता सीताको पिताको भूमिकामा जानकी मन्दिरका महन्त रामतपेश्वर दास वैष्णव रहनुहुनेछ ।

बिहीबार भारत अयोध्याबाट आएका जन्तीको स्वागतका लागि शुक्रबार बिहान ११ बजे राष्ट्रपति विद्यादेवी भण्डारी जनकपुरधाम आउने कार्यक्रम छ । ५ सयभन्दा बढीको संख्यामा आएका जन्तीलाई राष्ट्रपति भण्डारीले जनकपुरधाममा रहेको रं’ग’भू’मि मैदानमा स्वागत गर्ने कार्यक्रम छ ।

विवाह पंचमी महोत्सवको साप्ताहिक कार्यक्रम अन्तर्गत पाँचौ दिन भोलि (शनिबार) मटकोर र छैटौँ दिन पर्सि (आइतबार) विवाह महोत्सव मनाइने छ । अन्तिम दिन आउँदो सोमबार रामकलेवासहित जन्तीको विदाइ गरी महोत्सव समापन गरिने छ ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu