घिमिरेले अस्पतालको बेडबाट दिए कांग्रेसका उम्मेदावरहरूलाई शुभकामना

प्रकाशित मिति : २३ कार्तिक २०७६, शनिबार

काठमाडौं । नेपाली कांग्रेसका युवा नेता एवम् पूर्वसांसद रामहरि खतिवडाले दाङ कांग्रेसका नेता कृष्णकिशोर घिमिरेको स्वास्थ्य अवस्थाका बारेमा जानकारी लिएका छन् ।

काठमाडौंको बाँसबारीस्थित शहीद गंगालाल हृदय रोग केन्द्रमा उपचार गराइ रहेका पूर्वसांसद घिमिरेले उपचार गराइ रहेका छन् । घिमिरेको स्वास्थ्य अवस्था उल्लेख्य सुधार भएको कांग्रेस नेता खतिवडाले बताए ।

‘कृष्णकिशोर घिमिरेज्यूको स्वास्थ्य उल्लेख्य सुधार भएको छ’, खतिवडाले भने, ‘एमआईसीयूमा राखेर उपचार भएको रहेछ । शनिबार सामान्य वार्डमा सार्ने तयारी भएको चिकित्सकहरूले जानकारी दिएका छन् ।’

भेटका क्रममा घिमिरेले उपनिर्वाचनमा नेपाली कांग्रेसले राम्रा र उपयुक्त व्यक्तिहरूलाई टिकट दिएको बताएका थिए । घिमिरेले उपनिर्वाचनमा कांग्रेसका उम्मेदवारहरूलाई जसरी पनि जिताउनुपर्ने बताएको खतिवडाले उल्लेख गरे ।

यसअघि, घिमिरेलाई बिहीबार नेपाली कांग्रेसका सभापति शेरबहादुर देउवाले पनि भेटेर स्वास्थ्य अवस्थाको जानकारी लिएका थिए ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu