नेपालमा बोलिने भाषाको संख्या अब १२९

प्रकाशित मिति : १९ कार्तिक २०७६, मंगलवार

काठमाडौँ । नेपालमा छ वटा नयाँ भाषाको पहिचान भएको छ । अहिलेसम्म एक सय २३ भाषा बोलिने गरेकोमा नयाँ राना थारू (कञ्चनपुर), नार फु (मनाङ), चुम (स्यार) र नुब्री(लार्के) (गोरखा), पोइके (डोल्पा) र सेराके (सेके) मुस्ताङ जिल्लामा बोलिने भाषा थप भएका हुन् । यससँगै नेपालमा बोलिने भाषाको सङ्ख्या १२९ पुगेको हो ।

भाषा आयोगले सोमबार राष्ट्रपति विद्यादेवी भण्डारीसमक्ष पेस गरेको वार्षिक प्रतिवेदनमा नयाँ भाषाको पहिचानलाई संस्थागत गरिएको छ । आयोगका अध्यक्ष डा. लवदेव अवस्थीले आयोगको वार्षिक प्रतिवेदन राष्ट्रपति भवन शीतल निवासमा राष्ट्रपतिसमक्ष पेस गरेका थिए ।

विक्रम संवत २०६८ को जनगणनाअनुसार नेपालमा बोलिने १२३ वटा भाषामध्ये चीन–तिब्बती परिवारका ६८, भारोपेली परिवारका ४८, आग्नेली परिवारको एउटा (सन्थाली भाषा), द्रविड परिवारको एउटा (उराँव र कुडुख भाषा) र भाषिक परिवार नखुलेको कुसुन्डा भाषा अस्तित्वमा रहेका थिए ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu