बुध, चैत्र १९, २०७६
Wed, April 1, 2020

मौसम: देशका अधिकांश स्थानमा बर्षा, भोलिसम्म मनसुन थप सक्रिय हुने भएकाले सचेत रहन आग्रह


  • स्वदेश नेपाल
  • बुध, अशोज १, २०७६

काठमाडौं । देशका अधिकांस जिल्लामा आज पनि पानी परिरहेको छ । काठमाण्डौ, बाँके, बर्दिया, सल्यान, रसुवा, कैलाली, सर्लाही, सिरहालगायतका ठाउँमा अरु ठाउँको तुलनामा ठूलो पानी परिरहेको मौसम पूर्वानुमान महाशाखाले जनाएको छ । मौसमविद् मञ्जु बासीले आज दिनभर नै धेरै ठाउँमा पानी पर्ने र बिहीबारदेखि बिस्तारै मौसम खुल्दै जाने बताउनुभयो ।

मनसुनी न्यूनचापीय रेखाको पश्चिमी भाग औसत स्थानको आसपासमा रहेकाले सोमबार रातिदेखि वर्षा भएको मौसम पूर्वानुमान महाशाखाले जनाएको छ । जल तथा मौसम विज्ञान विभागले भोलिसम्म मनसुन थप सक्रिय हुने भएकाले सचेत रहन आग्रह गरेको छ ।

हिजो देखि सक्रिय रहेको मनसुन पर्सि विहान सम्म थप सक्रिय हुने भएकाले पहिरो र बाढि जान सक्ने वस्तिहरुका स्थानीय सर्तक रहन विभागको आग्रह छ । वर्षाका कारण पहाडि भुभागमा पहिरो जान सक्ने , नारायणि नदि लगाएतका नदिमा बहाव उच्च हुने र बाढि जाने सम्भावना छ । जोखिमपूर्ण वस्तिका स्थानीय सर्तक रहनुपर्ने मौसमविद् बासीले बताउनुभयो ।

मनसुन सक्रिय भएसँगै देशका विभिन्न भुभागमा बाढि, पहिरोका कारण सयौँ परिवार प्रभावित भएका छन् । भारतको मध्य प्रदेशको उत्तर पश्चिमी भागमा र उत्तर प्रदेशको दक्षिण भागमा बनेको न्यूनचापीय रेखा र बङ्गालको खाडीबाट आएको पानी पार्ने हावाको प्रभावका कारण देशभर मनसुनी गतिविधि बढेको छ ।

प्रतिक्रिया
ताजा अपडेट