आइत, फाल्गुन ११, २०७६
Sun, February 23, 2020

त्रिभूवन अन्तर्राष्ट्रिय विमानस्थलमा सबै उडान-अवतरण नियमित ‘अवतरणमा कुनै समस्या छैन’


  • स्वदेश नेपाल
  • बुध, अशोज १, २०७६

काठमाडौं । त्रिभूवन अन्तर्राष्ट्रिय विमानस्थलबाट हुने सबै उडान तथा अवतरण नियमित रहेको विमानस्थल कार्यालयले जनाएको छ ।

आन्तरिक तथा बाह्य उडानका लागि चाहिने भिजिबिलिटी रहेकोले बुधबार बिहान मौसमका कारण उडान तथा अवतरणमा कुनै समस्या नरहेको विमानस्थलले जनाएको छ ।

मंगलबार अपराहन्न मौसम प्रतिकूल बनेका कारण केही घण्टा उडान तथा अवतरण प्रभावित भएको थियो । तर बुधबार त्यस्तो कुनै समस्या नरहेको जनाइएको छ ।

मौसम बुधबार दिनभर नै बदलीकै अवस्थामा रहने भए पनि विमान उडान तथा अवतरण नै प्रभावित हुने गरी मौसम प्रतिकूल बन्ने सम्भावना कम रहेको मौसमविदको भनाई छ ।

प्रतिक्रिया
ताजा अपडेट