नेकपा त्यागेर ५ सय ५० भन्दा बढी नेता–कार्यकर्ता कांग्रेसमा प्रवेश

प्रकाशित मिति : ३१ भाद्र २०७६, मंगलवार

अर्घाखाँची । सत्तारुढ दल नेपाल कम्युनिस्ट पार्टी (नेकपा) त्यागेर सयौं नेता तथा कार्यकर्ता नेपाली कांग्रेसमा प्रवेश गरेका छन् । अर्घाखाँचीको पाणिनी गाउँपालिका वडा नम्बर ८ पालीमा भएको कार्यक्रममा ५ सय ५० भन्दा बढी नेकपाका नेता तथा कार्यकर्ता कांग्रेसमा प्रवेश गरेका हुन् ।

कांग्रेसले देशभर सञ्चालन गरेको दोस्रो चरणको राष्ट्रिय जागरण अभियानका क्रममा सत्तारुढ दल नेपाल कम्युनिस्ट पार्टी (नेकपा) त्यागेर कांग्रेसमा प्रवेश गर्नेको लर्को लागेको हो ।

नेपाली कांग्रेस अर्घाखाँचीका जिल्ला सभापति विष्णु खनाल ‘मुस्कान’ का अनुसार नेकपाका स्थानीय नेता तथा वडा अध्यक्ष पदका उम्मेदवार नुरमहमद अलि, वडा सदस्य पदका उम्मेदवार मधु पन्तसहित ५ सय ५० जना भन्दा बढीलाई कांग्रेसमा प्रवेश गरेका छन् ।

नवप्रवेशीहरूलाई सभापति खनालसहित पूर्वमन्त्री रेवतीप्रसाद भुषाल, चन्द्रबहादुर केसी, पूर्व जिल्ला सभापति कमल भुसाल लगायतले सोमबार स्वागत सहित पार्टी प्रवेश गराएका हुन् । यसअघि पाणिनीको धातिवाङ्गमा पनि दुई दर्जन नेकपा कार्यकर्ता कांग्रेसमा प्रवेश गरेका थिए ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu