दूधको मूल्य प्रतिलिटर ६ रुपैयाँ बढ्यो

प्रकाशित मिति : २० भाद्र २०७६, शुक्रबार

काठमाडौं । सरकारले दूधको मूल्य एकैपटक लिटरमा ६ रुपैयाँ बढाएको छ । कृषि तथा पशुपक्षी विकासमन्त्री चक्रपाणि खनालले मन्त्रीस्तरीय निर्णय गर्दै दूधको मूल्य बढाउन स्वीकृति दिएपछि दुग्ध विकास संस्थानले दूधको मूल्य प्रतिलिटर ६ रुपैयाँ बढाउने निर्णय गरेको हो ।

योसँगै अब प्रतिलिटर दूधको मूल्य ७६ रुपैयाँ पर्नेछ भने आधा लिटरको एक प्याकेट दूधको मूल्य ३८ रुपैयाँ पर्नेछ ।

बढाइएको मूल्य आउँदो शनिबारदेखि लागू हुने जनाइएको छ । किसान तथा डेरी उद्योगहरुले लागत बढेको भन्दै दूधको मूल्य बढाउन दबाब दिएकाले मूल्य बढाइएको कृषि मन्त्रालयको दाबी छ ।

बढाइएको मूल्यबाट ६९ प्रतिशत किसानले पाउने र बाँकी डेरी उद्योगहरुले पाउनेछन् ।

सरकारले दुई वर्षअघि पनि दूधमा प्रतिलिटर ६ रुपैयाँले नै मूल्य बढाएको थियो । दूधको मूल्यवृद्धिको प्रभाव दही, मही, पनिर, आइसक्रिम, मिठाइलगायतका दुग्धजन्य पदार्थहरुमासमेत पर्नेछ ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu