झापामा सुविधा-सम्पन्न क्यान्सर अस्पताल सञ्चालनमा आउँदै

प्रकाशित मिति : २८ श्रावण २०७६, मंगलवार

काठमाडौं– झापाको विर्तामोडमा पूर्वाञ्चल क्यान्सर अस्पताल सञ्चालनमा आउने भएको छ । सन् २०१८ मा स्वास्थ्य तथा जनसंख्या मन्त्रालयबाट स्वीकृति लिएर भवन निर्मााको काम थालेको अस्पतालले आगामी पुस महिनादेखि अस्पताल संचालन गर्ने तयारी गरेको हो ।

स्वास्थ्य मन्त्रालयबाट ३ सय शय्या रहने गरी स्वीकृति पाएको अस्पतालले पहिलो चरणमा एक सय शय्याबाट पुसदेखि सेवा सञ्चालन गर्न लागेको अस्पतालका मेडिकल डाइरेक्टर डाक्टर वीरेन्द्र कुमार यादवले बताए ।

अस्पताल संचालनका लागि चार अर्व लागतमा डेढ वर्ष अघि भवन निर्माणको काम शुरु भएको थियो । अस्पतालको भवन निर्माणको काम अन्तिम चरणमा पुगेको र विभिन्न मेसिन तथा उपकरणहरु जडानको काम भइरहेको अस्पतालका डाइरेक्टर डा यादवको भनाइ छ ।

क्यान्सर अस्पताल सञ्चालका लागि ४५ करोडको ३ वटा रेडियसन मेसिन खरिद गरी जडानको प्रक्रियामा रहेको डा यादवले बताए । ‘अहिले हामीले ३ वटा रेडियसन मेसिन भित्र्याइसकेका छौं, अब ३ महिनाभित्रमा यो मेसिन जडान गछौं,’ अस्पतालका डाइरेक्टर डा यादवले खबरहबसँग भने, ‘ प्रदेश नम्बर एक र दुईका क्यान्सरका बिरामीका लागि लक्षित गरेर हामीले अस्पताल सञ्चालनमा ल्याउन लागेका हौं । पुसदेखि हाम्रो अस्पताल सञ्चालनमा आउँछ ।’

क्यान्सर अस्पताल सञ्चालनमा आएसँगै प्रदेश १ र प्रदेश २ मा रहेका क्यान्सरका बिरामील सहज रुपमा उपचार सेवा पाउने अस्पताल सञ्चालकको विश्वास छ ।

प्रदेश एक र दुईमा क्यान्सर अस्पताल नहुँदा क्यान्सरका बिरामीले उपचारका लागि अन्य ठाउँ जानुपर्ने बाध्यता रहदै आएको छ ।

अस्पताल सञ्चालनमा आएपछि क्यान्सरको उपचारका लागि भारत जानुपर्ने प्रदेश एक र दुईका बिरामीले राहात महसुग गर्ने डा यादवको विश्वास छ ।

‘प्रदेश एक र दुईमा क्यान्सर अस्पताल नहुँदा धेरै बिरामीहरु भारत जाने गरेका थिए,’ डा यादवले भने, ‘हाम्रो अस्पताल सञ्चालन भएपछि बिरामीले नेपालमै सहज रुपमा उपचार पाउनेछन्, भारत जानुपर्ने बाध्यताको हट्ने छ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu