खुट्टामा फितावाले चप्पल लगाएर बाढीपिडितको घाउमा मल्हम लगाउन पुगेका डाक्टर केसी सम्मानित

प्रकाशित मिति : ४ श्रावण २०७६, शनिबार

काठमान्डौ ।रौतहटका बाढीपिडितहरुको निशुल्क स्वास्थ्य उपचार गर्न पुगेका चर्चित समाजसेवी डाक्टर गोविन्द केसीलाई बंजरहाका बासीन्दाहरुले सम्मान गरेका छन् । यता घुडा सम्म दोबारिएको खैरो रंगको पाइन्ट हाफ टिसट अनि गलामा बेरिएको फेटा खुट्टामा फित्तावाल चप्पल लगाएर सम्मान थाप्दै थिए डाक्टर गोबिन्द केसी ।

बाढीबाट प्रभावित भई रोगी बनेकाहरुको उपचारका लागि शुक्रबार रौतहट पुगेका डाक्टर केसी बाढी प्रभावित क्षेत्र इशनाथ नगरपालिकाको वडा नंं. १ को बंजरहकाबासीन्दाहरुलाई २ दिन सम्म निशुल्क उपचार गरे पछि खुशी हुदैं स्थानियबासीहरुले कदर पत्र प्रदान गर्दै डाक्टर केसीलाई शनिबार सम्मान गरेका हुन् ।

बाढीबाट प्रभावित बस्तीका बासिन्दाहरुमा झाडा पखाला, भाइरल ज्वरो, छाला रोग, डिसेन्टरी लगायतका अन्य समान्यरोगहरुबाट प्रभावित करिब ३५० भन्दा बढि विरामीहरुको स्वास्थ्य परिक्षण गरि निशुल्क रुपमा औषधी वितरण गरेका छन् ।

स्थानीय स्वास्थ्य कर्मीहरुको सहायतामा बन्जरहाका विरामीहरु स्वस्फूर्त रुपमा आएर डा. केसी संग स्वास्थ्य परिक्षण गराएका छन् ।स्वास्थ्य परिक्षण गर्न आएका डाक्टर केसी बंजरहाका बाढीपिडितहरुका पिडा देखे पछि बृद्ध तथा महिलाहरुलाई लताकपडाहरु समेत वितरण गरेका छन् । विपतीका बेला विकट ठाउमा आई यसरी निश्वार्थरुपमा निशुल्क स्वास्थ्य सेवा प्रदान गरेका डाक्टर केसीको विदाई गर्दा स्थानियहरु भाबुक भएको स्थानिय गृषनन्दन सिंहले बताए ।

स्वदेश नेपाल मिडिया प्रा.लि.

अधक्ष्य तथा प्रधान सम्पादक : इन्द्रकुमार श्रेष्ठ

एकताबस्ती, बूढानीलकण्ठ नगरपालिका वडा नं ९, काठमाण्डौ
फोन : ०१ ४३ ७११६८
Regd No: १९५७४३/०७५/०७६

© 2017 Swadesh Nepal || Designed by appharu